اسلام آباد۔2اکتوبر (اے پی پی):پاکستان سٹاک ایکسچینج میں جمعہ کو کاروباری ہفتے کے اختتام پر مندی کا رجحان رہا اور کے ایس ای 100 انڈیکس 461.26 پوائنٹس کی کمی کے بعد ایک لاکھ 68 ہزار 155.49 پوائنٹس پر بند ہوا۔مارکیٹ میں مجموعی طور پر 569 کمپنیوں کے حصص کا لین دین ہوا جن میں 128 کمپنیوں کے حصص کی قیمتوں میں اضافہ، 321 کی قیمتوں میں کمی جبکہ 120 کمپنیوں کے حصص کی قیمتوں میں استحکام رہا۔ کاروباری سرگرمیوں کے دوران مجموعی طور پر 493.95 ملین حصص کا لین دین ہوا جن کی مالیت 17.49 ارب روپے رہی۔
کے ایس ای30انڈیکس 111.06 پوائنٹس کی کمی سے 50 ہزار 155.61 پوائنٹس پر بند ہوا۔ اسلامی مالیات کا حامل ایم آئی 30 انڈیکس 821.70 پوائنٹس کی کمی کے بعد 2 لاکھ 40 ہزار 694.05 پوائنٹس پر بند ہوا۔فیوچر ٹریڈنگ کے تحت مجموعی طور پر 5.37 ارب روپے کا لین دین ہوا۔ کاروباری سرگرمیوں میں فرسٹ نیشنل ایکویٹیز لمیٹڈ کے 42.50 ملین، ورلڈ کال ٹیلی کام کے 40.08 ملین اور ڈی ایس انڈسٹریز کے 29.50 ملین حصص کا کاروبار ہوا۔دیوان شوگر ملز لمیٹڈ، ڈنڈوت سیمنٹ کمپنی لمیٹڈ اور اپنا مائیکروفنانس بینک لمیٹڈ سرفہرست ایڈوانسر کمپنیاں رہیں۔
بشکریہ: اے پی پی (ایسوسی ایٹڈ پریس آف پاکستان)
