اسلام آباد۔2اکتوبر (اے پی پی):الیکشن کمیشن نے قومی اسمبلی کے حلقہ این اے 77 گوجرانوالہ ون میں لاہور ہائی کورٹ کے جج جسٹس احمد ندیم ارشد کو اپیلٹ ٹربیونل مقرر کیا ہے۔الیکشن کمیشن کی جانب سے جمعہ کو جاری نوٹیفکیشن کے مطابق اپیلٹ ٹربیونل ریٹرننگ آفیسر کی جانب سے امیدواروں کے کاغذات نامزدگی منظور یا مسترد کئے جانے کے خلاف اپیلوں کو نمٹائے گا۔
اس حلقہ میں شیڈول کے مطابق پولنگ 8 نومبر کو ہوگی۔کاغذات نامزدگی کی جانچ پڑتال کا عمل 5 اکتوبر جبکہ کاغذات نامزدگی منظور یا مسترد کئے جانے کے خلاف اپیلیں 9 اکتوبر تک داخل کرائی جاسکیں گی جنہیں اپیلٹ ٹربیونل کی جانب سے 15 اکتوبر تک نمٹایا جائے گا۔
بشکریہ: اے پی پی (ایسوسی ایٹڈ پریس آف پاکستان)
