اسلام آباد۔5اکتوبر (اے پی پی):صدر مملکت آصف علی زرداری نے ڈیرہ اسماعیل خان میں سکیورٹی فورسز کو آپریشن میں 3 خارجی دہشت گردوں کو جہنم واصل کرنے پر خراجِ تحسین پیش کرتے ہوئے کہا ہے کہ سکیورٹی فورسز کی مؤثر کارروائیاں دہشت گردوں کے نیٹ ورکس کو کمزور کرنے میں اہم کردار ادا کر رہی ہیں۔
پیر کو ایوان صدر میڈیا ونگ سے جاری بیان میں صدر مملکت نے کہا کہ خیبرپختونخوا سے دہشت گردی کے مکمل خاتمے کے لیے سکیورٹی فورسز کی کارروائیاں قابلِ تحسین ہیں۔ صدر زرداری نے کہا کہ فتنہ الخوارج کے خلاف عزمِ استحکام وژن کے تحت کارروائیاں دہشت گردی کے مکمل خاتمے تک جاری رکھی جائیں۔انہوں نے کہا کہ بیرونی پشت پناہی میں سرگرم دہشت گرد عناصر کے مذموم عزائم ہر قیمت پر ناکام بنائیں گے۔
بشکریہ: اے پی پی (ایسوسی ایٹڈ پریس آف پاکستان)
