فیصل آباد۔ 05 اکتوبر (اے پی پی):حضرت ابو انیس محمد برکت علی لودھیانویؒ کے دور سے شروع ہونے والا پاکستان کے آئی سپیشلسٹ ڈاکٹروں کی نگرانی میں 101 واں ششماہی فری آئی کیمپ دارالاحسان، نزد دالووال اڈاسمندری روڈ فیصل آباد میں یکم اکتوبر سے جاری ہے، جو 30 اکتوبر 2026ء تک جاری رہے گا۔ترجمان دارالاحسان کے مطابق کیمپ میں آنکھوں کے مریضوں کا ماہر ڈاکٹروں کی جانب سے مفت معائنہ، تشخیص اور علاج کیا جا رہا ہے جبکہ ضرورت مند مریضوں کی آنکھوں کے آپریشن بھی بلا معاوضہ کیے جارہے ہیں۔
کیمپ میں روزانہ صبح 8 بجے سے شام 5 بجے تک مریضوں کا چیک اپ کیا جارہا ہے۔انہوں نے بتایا کہ آنکھوں کے مرض میں مبتلا ایسے مستحق افراد جو اپنی آنکھوں کا مفت معائنہ، علاج یا آپریشن کروانا چاہتے ہیں، وہ 30 اکتوبر تک دارالاحسان، دالووال اڈا سمندری روڈ فیصل آباد میں قائم فری آئی کیمپ سے استفادہ کر سکتے ہیں۔
بشکریہ: اے پی پی (ایسوسی ایٹڈ پریس آف پاکستان)
