اسلام آباد۔1اکتوبر (اے پی پی):پاکستان سٹوڈنٹس اولمپک ایسوسی ایشن کے زیر اہتمام 10 ویں سٹوڈنٹس اولمپک گیمز کراچی میں اختتام پذیر ہو گئی ہیں۔ گیمز کی اختتامی تقریب کے مہمان خصوصی پاکستان سٹوڈنٹس اولمپک ایسوسی ایشن کے صدر مقبول آرائیں تھے جنہوں نے کامیابی حاصل کرنے والے کھلاڑیوں میں ٹرافیاں، میڈلز اور اسناد تقسیم کیں۔ گیمز میں آرچری، اتھلیٹکس،
بیڈمنٹن، باسکٹ بال، کرکٹ، کیچ بال، شطرنج، سائیکلنگ، ڈاج بال، فٹ سال، فلائنگ ڈسک، فٹنس، جمناسٹک، ہینڈبال، ہاکی، نیٹ بال، پیڈل، پیکل بال، روپ سیکپنگ، رسہ کشی، سکیٹنگ، تھرو بال، تائیکوانڈو، ٹیبل ٹینس اور والی بال سمیت 26 مختلف کھیلوں کے مقابلے منعقد ہوئے۔ کھیلوں کے یہ مقابلے چھ مختلف مقامات پر منعقد ہوئے جن میں کے ایم سی سپورٹس کمپلیکس، منی سپورٹس کمپلیکس ناظم آباد، ویمنز سپورٹس کمپلیکس، حبیب پبلک سکول، سندھ سپورٹس بورڈ اور الفا کالج شامل تھے۔
بشکریہ: اے پی پی (ایسوسی ایٹڈ پریس آف پاکستان)
