لاہور۔5اکتوبر (اے پی پی):پاکستان اور سری لنکا انڈر17 کرکٹ سیریز کیلئے میچ آفیشلز کا اعلان کردیا گیا ہے۔ دونوں ٹیموں کے درمیان ملتان میں ایک تین روزہ میچ اور پانچ ون ڈے میچز کھیلے جائیں گے، جس کیلئے امپائرز اور میچ ریفریز کی ذمہ داریاں بھی طے کردی گئی ہیں۔
پاکستان اور سری لنکا انڈر17 ٹیموں کے درمیان تین روزہ میچ9 سے11 اکتوبر تک ملتان کرکٹ سٹیڈیم میں کھیلا جائے گا۔اس میچ میں امتیاز اقبال اور ثاقب خان آن فیلڈ امپائرز کی ذمہ داریاں انجام دیں گے،جبکہ میچ کے دیگر آفیشلز بھی مقررہ شیڈول کے مطابق اپنی ذمہ داریاں نبھائیں گے۔تین روزہ میچ کے بعد دونوں ٹیموں کے درمیان پانچ ون ڈے میچز کی سیریز بھی کھیلی جائے گی۔
ون ڈے میچز15 سے 24 اکتوبر تک جاری رہیں گے اور ان مقابلوں کے لیے اقبال شیخ کو میچ ریفری مقرر کیا گیا ہے۔پاکستان اور سری لنکا انڈر17 ٹیموں کی یہ سیریز نوجوان کھلاڑیوں کیلئے اپنی صلاحیتوں کے اظہار کا اہم موقع ہوگی،جبکہ میچ آفیشلز کی تقرری سے سیریز کے انتظامات کو بھی حتمی شکل دے دی گئی ہے۔ملتان میں ہونے والے ان مقابلوں میں دونوں ٹیمیں بہترین کارکردگی دکھانے کے لیے میدان میں اتریں گی۔
بشکریہ: اے پی پی (ایسوسی ایٹڈ پریس آف پاکستان)
