پشاور۔ 07 اکتوبر (اے پی پی):ڈائریکٹوریٹ آف سوشل ویلفیئر، اسپیشل ایجوکیشن اینڈ ویمن ایمپاورمنٹ میں فائر سیفٹی حوالے تربیتی ورکشاپ کا انعقاد کیا گیا۔ترجمان ریسکیو1122پشاورکے مطابق جس میں ادارے کے افسران اور اسٹاف نے شرکت کی۔
تربیتی سیشن کے دوران شرکاء کو فائر ایکسٹنگوشر کے درست اور مؤثر استعمال، آگ لگنے کی صورت میں ابتدائی حفاظتی اقدامات اور آگ پر قابو پانے کے عملی طریقہ کار سے آگاہ کیا گیا۔
ٹریننگ ونگ کے عملے نے شرکاء کو ہنگامی صورتحال میں بروقت اور محفوظ طریقے سے انخلا، احتیاطی تدابیر اور ریسکیو 1122 کی خدمات سے متعلق بھی آگاہی فراہم کی۔ ورکشاپ کے اختتام پر ادارے کے اسٹاف نے ریسکیو 1122 پشاور کی جانب سے فراہم کردہ فائر سیفٹی تربیت کو سراہتے ہوئے شکریہ ادا کیا۔
بشکریہ: اے پی پی (ایسوسی ایٹڈ پریس آف پاکستان)
