بیجنگ۔5اکتوبر (اے پی پی):چین کےقومی دن کی تعطیلات کا نصف سے زیادہ عرصہ گزرنے کے باوجود ملک بھر میں صارفی مارکیٹ مستحکم اور منظم رہی جبکہ روزمرہ ضروری اشیاء کی فراہمی وافر اور قیمتیں مجموعی طور پر مستحکم رہیں۔چینی وزارت تجارت کے کاروباری بگ ڈیٹا کے مطابق قومی دن کی تعطیلات کے پہلے تین دنوں میں وزارتِ تجارت کی کلیدی نگرانی میں شامل 78 کاروباری علاقوں میں آنے والے افراد کی تعداد اور کاروباری حجم میں بالترتیب 3.4 فیصد اور 5.3 فیصد اضافہ ہوا۔صارفی اشیاء کی ’’پرانی کے بدلے نئی‘‘ سکیم کے تحت مجموعی طور پر 19.63 ارب یوآن کی فروخت کو فروغ ملا، جس سے 34 لاکھ 83 ہزار افراد مستفید ہوئے۔
ان میں پرانی گاڑیوں کے بدلے نئی گاڑیاں خریدنے کی سکیم کے تحت 46 ہزار نئی گاڑیاں فروخت ہوئیں، جس سے 7.45 ارب یوآن کی نئی گاڑیوں کی فروخت کو فروغ ملا۔ پرانے گھریلو برقی آلات کے بدلے نئے آلات خریدنے کی سکیم کے تحت 15 لاکھ 11 ہزار یونٹس فروخت ہوئے، جس سے 6.5 ارب یوآن کی فروخت کو فروغ ملا۔ اسی طرح ڈیجیٹل اور سمارٹ مصنوعات کی خریداری کے تحت 17 لاکھ 9 ہزار یونٹس فروخت ہوئے، جس سے 4.9 ارب یوآن کی فروخت کو تحریک ملی۔ ملک بھر میں روزمرہ ضروری اشیاء کی مارکیٹ میں فراہمی وافر رہی اور قیمتیں مجموعی طور پر مستحکم رہیں۔
بشکریہ: اے پی پی (ایسوسی ایٹڈ پریس آف پاکستان)
