اسلام آباد۔5اکتوبر (اے پی پی):ملک میں بینکوں کے ڈپازٹس، مختصر مدت کے قرضوں اور سرمایہ کاری میں اگست کے دوران ماہانہ اور سالانہ بنیادوں پر اضافہ ریکارڈ کیا گیا ہے۔ سٹیٹ بینک آف پاکستان کے جاری کردہ اعداد و شمار کے مطابق اگست 2026ء کے اختتام پر بینکوں کے مجموعی ڈپازٹس کا حجم 39.24 ٹریلین روپے ریکارڈ کیا گیا جو جولائی 2026ء کے 39.05 ٹریلین روپے کے مقابلے میں 0.5 فیصد جبکہ گزشتہ سال اگست کے 34.46 ٹریلین روپے کے مقابلے میں 13.9 فیصد زیادہ ہے۔
اعداد و شمار کے مطابق اگست 2026ء میں بینکوں کے مختصر مدت کے قرضوں کا حجم 13.60 ٹریلین روپے ریکارڈ کیا گیا جو جولائی کے 13.56 ٹریلین روپے کے مقابلے میں 0.4 فیصد جبکہ گزشتہ سال اگست کے 12.28 ٹریلین روپے کے مقابلے میں 10.7 فیصد زیادہ ہے۔اسی طرح اگست کے اختتام پر بینکوں کی سرمایہ کاری کا حجم 41.18 ٹریلین روپے ریکارڈ کیا گیا جو جولائی کے 40.83 ٹریلین روپے کے مقابلے میں 0.9 فیصد جبکہ گزشتہ سال اگست کے 36.30 ٹریلین روپے کے مقابلے میں 13.4 فیصد زیادہ ہے۔
اعداد و شمار کے مطابق اگست کے اختتام پر قرضوں کے مقابلے میں ڈپازٹس کا تناسب 34.7 فیصد ریکارڈ کیا گیا جو جولائی میں بھی 34.7 فیصد تھا جبکہ گزشتہ سال اگست میں یہ تناسب 35.7 فیصد ریکارڈ کیا گیا تھا۔
بشکریہ: اے پی پی (ایسوسی ایٹڈ پریس آف پاکستان)
