گلگت۔ 02 اکتوبر (اے پی پی):قراقرم انٹرنیشنل یونیورسٹی کے وائس چانسلر پروفیسر ڈاکٹر عبدالرزاق نے پروفیسر ڈاکٹرمحمد سلیم کی انتقال پران کے اہلخانہ سے تعزیت و دعائے مغفرت کی اور کہاکہ مرحوم نہایت قابل، مخلص علمی و فکری شخصیت تھے۔ گلگت بلتستان میں اعلیٰ تعلیم وتحقیق کے فروغ اور قراقرم انٹرنیشنل یونیورسٹی کی تعمیرو ترقی کے لیے ان کی خدمات کو ہمیشہ قدر کی نگاہ سے دیکھا جائے گا۔
و ہ سابق قائم مقام وائس چانسلر اور شعبہ میتھس کے اولین پی ایچ ڈیز میں شامل تھے۔ انہوں نےمرحوم کے درجات کی بلندی کے لیے دعا کی۔ انہوں نے دعا کی کہ اللہ تعالیٰ لواحقین کو اس صدمے کو صبر و تحمل کے ساتھ برداشت کرنے کی توفیق عطا فرمائے۔اس موقع پر وائس چانسلر کے ہمراہ یونیورسٹی کے سینئرانتظامی وتدریسی افسران بھی موجو دتھے۔
بشکریہ: اے پی پی (ایسوسی ایٹڈ پریس آف پاکستان)
