اسلام آباد۔6اکتوبر (اے پی پی):حکومت کے مجموعی قرضوں میں اگست 2026ء کے دوران ماہانہ بنیادوں پر 0.5 فیصد کی کمی ریکارڈ کی گئی ہے۔ سٹیٹ بینک آف پاکستان کی جانب سے جاری کردہ اعدادوشمار کے مطابق اگست 2026ء کے اختتام پر حکومت کے مجموعی قرضوں کا حجم 82.95 ٹریلین روپے ریکارڈ کیا گیا جو جولائی 2026ء کے اختتام پر 83.38 ٹریلین روپے تھا۔
اعدادوشمار کے مطابق اگست کے اختتام پر حکومت کے مجموعی ملکی قرضوں کا حجم 58.75 ٹریلین روپے رہا جو جولائی کے 59.27 ٹریلین روپے کے مقابلے میں 0.9 فیصد کم ہے۔دوسری جانب حکومت کے مجموعی بیرونی قرضوں میں اگست کے دوران ماہانہ بنیادوں پر معمولی اضافہ ہواہے۔ اگست کے اختتام پر بیرونی قرضوں کا حجم 24.19 ٹریلین روپے رہا جو جولائی کے 24.10 ٹریلین روپے کے مقابلے میں 0.4 فیصد زیادہ ہے۔
بشکریہ: اے پی پی (ایسوسی ایٹڈ پریس آف پاکستان)
