اسلام آباد۔1اکتوبر (اے پی پی):الیکشن کمیشن نے قومی اسمبلی کے حلقہ این اے 168 بہاولپور سے پاکستان مسلم لیگ (ن )کے امیدوار منیر اقبال کی کامیابی کا نوٹیفکیشن جاری کردیا۔جمعرات کو الیکشن کمیشن کی جانب سے جاری نوٹیفکیشن کے مطابق مسلم لیگ (ن )کے امیدوار منیر اقبال 88 ہزار 110 ووٹ حاصل کرکے کامیاب قرار پائے۔
ان کے قریب ترین حریف آزادامیدوار ولی داد چیمہ نے 40 ہزار 142 ووٹ حاصل کئے۔اس حلقہ میں ایک لاکھ 43 ہزار 185ووٹ ڈالے گئے جن میں سے ایک ہزار 473 ووٹ مسترد ہوئے۔اس حلقہ سے کل 20 امیدوار مدمقابل تھے۔یہ نشست مسلم لیگ (ن )کے ایم این اے ملک محمد منیر کی وفات سے خالی ہوئی تھی جہاں ان کے فرزند کو پارٹی ٹکٹ دیا گیا تھا۔
بشکریہ: اے پی پی (ایسوسی ایٹڈ پریس آف پاکستان)
