اسلام آباد۔2اکتوبر (اے پی پی):الیکشن کمیشن نے کہا ہے کہ اسلام آباد میں یونین کونسلز کی ابتدائی حلقہ بندی پر متعلقہ ووٹرز کے اعتراضات نمٹانے کی مدت ختم ہوگئی۔ای سی کی جانب سے جاری بیان کے مطابق ہفتہ سے حلقہ بندی اتھارٹی کی جانب حلقہ بندی کمیٹی کو اعتراضات پر فیصلوں سے آگاہ کیا جائے گا۔یہ سلسلہ 9 اکتوبر تک جاری رہے گا۔حلقہ بندیوں کی حتمی فہرست 14 اکتوبر کو جاری ہوگی۔
واضح رہے کہ الیکشن کمیشن کی جانب سے 27 اگست کو اسلام آباد میں یونین کونسلز کی ابتدائی فہرست جاری کی گئی تھی جس کے بعد 17 ستمبر تک حلقہ بندی اتھارٹی کے پاس ان فہرستوں پر اعتراضات جمع کروائے گئے جنہیں اتھارٹی کی جانب سے نمٹائے جانے کاکام بھی 28 اگست سے شروع کر دیاگیا جو 2 اکتوبر تک جاری رہا۔3 اکتوبر سے حلقہ بندی کمیٹی کو فیصلوں سے آگاہ کیا جائے گا۔
بشکریہ: اے پی پی (ایسوسی ایٹڈ پریس آف پاکستان)
