اسلام آباد۔4اکتوبر (اے پی پی):بھارت نے اپنی تاریخی ہزیمت چھپانے کی بھونڈی کوشش کی ہے،بھارتی فوج کی چنار کور نے 29 ستمبر کو نام نہاد آپریشن میں پاکستانی فوجی کو بطور دہشتگرد مارنے کا مضحکہ خیز اور گمراہ کن دعویٰ کیا ۔30ستمبر کو بھارتی نشریاتی ادارہ ’’اے این آئی‘‘ سمیت دیگر گودی میڈیا نے ایس ایس جی کمانڈو محمد آصف کی تصویر، شناخت اور فوجی پروفائل کا خوب ڈھنڈورا پیٹا۔
یکم اکتوبر کو ڈی جی آئی ایس پی آر نے حوالدار (ر) محمد آصف کو میڈیا کے سامنے پیش کر کے ایک اور بھارتی فالس فلیگ کا پردہ چاک کر دیا۔ تاریخی ہزیمت پر پردہ ڈالنے کے لئے گودی میڈیا نے مضحکہ خیز انداز میں ’’میں نا مانوں‘‘ کا پرچار شروع کر دیا ۔انڈیا ٹوڈےنے اپنی رپورٹ میں بیانیہ بنایا کہ حوالدار آصف کی شخصی تفصیلات اور شکل تو میچ کر گئیں لیکن اب اس کا ڈی این اے بھی میچ کر کے دکھائیں۔
جھوٹے انکاؤنٹر کی گمشدہ لاش جوانڈین چنار کور کے پاس ہے ، اس گمنام لاش کا فورینسک اور ڈی این اے پاکستان سے طلب کرنا؟ گودی میڈیا کا نہایت احمقانہ تبصرہ ہے۔حوالدار آصف کی تصاویر اور شاختی کارڈ کو ثبوت بنا کرجھوٹے دعوےانڈین میڈیا اور اداروں نے کیے جبکہ پاکستان نے صرف حقیقت بتائی۔
ہمیشہ کی طرح پاکستان کے حقیقت پر مبنی بیانیے کی بین الاقوامی میڈیا میں پذیرائی ہوئی ۔لیکن پریس کانفرنس میں جس طرح ڈی جی آئی ایس پی آر نے کہا کہ ’’ان (انڈیا) کو شرم نہیں آئے گی‘‘۔
بشکریہ: اے پی پی (ایسوسی ایٹڈ پریس آف پاکستان)
