ہری پور۔ 07 اکتوبر (اے پی پی):ڈپٹی کمشنر ہری پور اصلاح الدین کی زیرِ صدارت نئی ہاؤسنگ سوسائٹیز کے قیام سے متعلق ڈسٹرکٹ سکروٹنی کمیٹی کا اجلاس منعقد ہوا۔اجلاس میں نئی ہاؤسنگ سوسائٹیز کے قیام کے حوالے سے پیش کردہ درخواستوں، ریکارڈ، دستاویزات اور دیگر متعلقہ امور کاجائزہ لیا گیا۔ کمیٹی نے ہاؤسنگ سوسائٹیز سے متعلق ریکارڈ اور دستاویزات کی جانچ پڑتال کرتے ہوئے قانونی و انتظامی تقاضوں اور متعلقہ قواعد و ضوابط کی روشنی میں مختلف امور پر غور کیا۔
اس موقع پر ڈپٹی کمشنر نے متعلقہ افسران کو ہدایت کی کہ ہاؤسنگ سوسائٹیز سے متعلق تمام درخواستوں اور ریکارڈ کی شفاف، غیر جانب دار اور قواعد و ضوابط کے مطابق سکروٹنی کو یقینی بنایا جائے۔ انہوں نے کہا کہ ہاؤسنگ سوسائٹیز کے قیام کے عمل میں تمام قانونی تقاضوں کی تکمیل اور شہریوں کے مفادات کا تحفظ یقینی بنایا جائے تاکہ ضلع میں منظم اور پائیدار شہری ترقی کو فروغ دیا جا سکے۔
بشکریہ: اے پی پی (ایسوسی ایٹڈ پریس آف پاکستان)
