اسلام آباد۔1اکتوبر (اے پی پی):وزارت اطلاعات و نشریات نے آپریشن غضب للحق کے تحت یکم اکتوبر 2026ء کو تازہ ترین صورتحال سے آگاہ کرتے ہوئے کہا ہے کہ درست فضائی اور ڈرون حملوں کے ذریعے افغان طالبان حکومت کے زیر کنٹرول علاقوں میں دو مقامات پر فتنہ الخوارج اور فتنہ الہندستان کے دہشت گردوں کے ٹھکانے اور کیمپ مکمل طور پر تباہ کر دیئے گئے۔
وزارت اطلاعات و نشریات کی جانب سے سماجی رابطے کے پلیٹ فارم ایکس پر کی گئی پوسٹ میں ایک ویڈیو کلپ بھی شیئر کیا گیا جس میں فضائی اور ڈرون حملوں کی کارروائی دیکھی جا سکتی ہے۔ بیان میں کہا گیا ہے کہ دہشت گردوں کے ٹھکانوں اور کیمپوں میں ذخیرہ کیا گیا بھاری مقدار میں اسلحہ اور گولہ بارود بھی انتہائی درست اور ہدفی فضائی حملوں کے ذریعے تباہ کیا گیا۔
بشکریہ: اے پی پی (ایسوسی ایٹڈ پریس آف پاکستان)
