ملاکنڈ ۔ 06 اکتوبر (اے پی پی):ڈھیری ملاکنڈ میں ڈسٹرکٹ سپورٹس آفس اور ضلعی انتظامیہ کے تعاون سے کرکٹ ٹورنامنٹ کا کامیاب انعقاد کیا گیا، جو صوبائی سپورٹس پالیسی اور ڈپٹی کمشنر محمد فیاض خان شیرپاؤ کی ہدایات کے تحت ٹیلنٹ کی تلاش کا حصہ تھا۔
ڈی سی ملاکنڈ کے سوشل میڈیا کے پیج سے جاری خبر کے مطابق ٹورنامنٹ میں 16 ٹیموں نے ناک آؤٹ سسٹم کے تحت حصہ لیا۔ فائنل ڈھیری جولگرام اور ایس ڈی سی سی کے درمیان کھیلا گیا جس میں ایس ڈی سی سی نے کامیابی حاصل کی۔مہمان خصوصی صوبائی وزیر شکیل احمد کے نمائندہ نصیر خان نے کھلاڑیوں میں ٹرافیاں اور انعامات تقسیم کیے۔
بشکریہ: اے پی پی (ایسوسی ایٹڈ پریس آف پاکستان)
