اسلام آباد۔4اکتوبر (اے پی پی):خصوصی سرمایہ کاری سہولت کونسل(ایس آئی ایف سی)کے تعاون سے کھیلوں کے شعبے میں اہم پیشرفت کے تحت یورپی فٹبال کلب ایف سی پورٹو اور سیالکوٹ فٹبال اکیڈمی کے اشتراک سے ڈریگن فورس فٹبال اکیڈمی قائم کی گئی ہے۔
ایف سی پورٹو (Futebol Clube do Porto) پرتگال کا مشہور فٹبال کلب ہےجس کا شماریورپ کے بڑے کلبوں ہوتا ہے۔ڈریگن فورس اکیڈمی کا قیام پاکستان ریجنل اکنامک فورم اور ایس آئی ایف سی کی سہولت کاری کا مظہر ہے۔
پرتگال کے معروف فٹبال کلب سے منسلک یہ اقدام نوجوان کھلاڑیوں کو عالمی معیار کے تربیتی تجربات فراہم کرے گا۔ اکیڈمی کے ذریعے پاکستانی نوجوان فٹبالرز کو جدید تربیت، بین الاقوامی تجربے اور عالمی فٹبال تک رسائی کے نئے مواقع میسر آئیں گے۔
بشکریہ: اے پی پی (ایسوسی ایٹڈ پریس آف پاکستان)
