ناگویا۔4اکتوبر (اے پی پی):جاپان کے شہر ناگویا میں جاری 2026کے ایشین گیمز میں تھائی لینڈ کے سپرنٹر پوری پول بون سن کو مردوں اور چین کی 13 سالہ پیراک یو زیڈی کو خواتین کے شعبے میں موسٹ ویلیو ایبل پلیئر (ایم وی پی) کا اعزاز دیا گیا ہے، جس کا باضابطہ اعلان اولمپک کونسل آف ایشیا نے کیا۔ شنہوا کے مطابق 20 سالہ تھائی ایتھلیٹ بون سن نے 100 میٹر اور 200 میٹر کی دوڑ میں گولڈ میڈل جبکہ مکسڈ 4 ضرب 100 میٹر ریلے میں سلور میڈل حاصل کیا۔
انہوں نے 100 میٹر ریس میں 9.90 سیکنڈز کا نیا ایشین گیمز ریکارڈ قائم کرتے ہوئے فائنل میں 10 سیکنڈز سے کم وقت میں ریس مکمل کرنے والے واحد کھلاڑی بننے کا اعزاز حاصل کیا۔ دوسری جانب چین کی سوئمر یو زیڈی نے ایونٹ میں 3 گولڈ میڈلز اپنے نام کیے۔ انہوں نے 200 میٹر انڈیویجول میڈلے میں نیا ایشین ریکارڈ جبکہ 200 میٹر بٹر فلائی اور 400 میٹر انڈیویجول میڈلے میں ایشین گیمز کے نئے ریکارڈز قائم کیے۔
دونوں کھلاڑیوں نے اس عزائم کا اظہار کیا کہ یہ کامیابی ان کے لیے باعثِ فخر ہے اور وہ آئندہ بھی شاندار کارکردگی کا تسلسل برقرار رکھیں گے۔ دونوں کھلاڑیوں کو ان کی شاندار کارکردگی پر اولمپک کونسل آف ایشیا کی جانب سے مردوں اور خواتین کے بہترین کھلاڑیوں کے اعزاز سے نوازا گیا۔
بشکریہ: اے پی پی (ایسوسی ایٹڈ پریس آف پاکستان)
