اسلام آباد۔3اکتوبر (اے پی پی):اسلام آباد ٹریفک پولیس (آئی ٹی پی) نے ’’یادگارِ فتح‘‘کی تقریب کے سلسلے میں ٹریفک کا متبادل روٹ جاری کر دیا ہے جس میں گاڑیوں کے مالکان کی سہولت کے لیے سڑکوں کی بندش، ٹریفک کے متبادل راستوں اور متبادل گزرگاہوں کا اعلان کیا گیا ہے۔آئی ٹی پی کے حکام نے ہفتے کے روز ’’اے پی پی ‘‘ کو بتایا کہ تقریب کے دوران ٹریفک کے خصوصی انتظامات نافذ رہیں گے اور شہریوں کو مشورہ دیا کہ وہ کسی بھی قسم کی زحمت سے بچنے کے لیے متبادل راستے اختیار کریں۔
انہوں نے بتایا کہ الشفاء ہسپتال سے فیڈرل بورڈ کی جانب جانے والی سروس روڈ ٹریفک کے لیے بند رہے گی۔ بیکن ہاؤس سے جعفر خان جمالی روڈ کی جانب جانے والی فیض احمد فیض روڈ ٹریفک کے لیے بند رہے گی۔ٹریفک کے متبادل راستے صاحبزادہ عبدالقیوم روڈ سے آنے والی ٹریفک کو سیکٹر I-8 سروس روڈ ایسٹ کی جانب موڑ دیا جائے گا۔ الشفاء سگنل پر موجود ٹریفک کو میر چاکر روڈ کی جانب موڑ دیا جائے گا۔ انہوں نے کہا کہ گاڑیوں کے مالکان متبادل راستے کے طور پر میر چاکر روڈ استعمال کر سکتے ہیں۔ گاڑیوں کے مالکان متبادل راستے کے طور پر پطرس بخاری روڈ استعمال کر سکتے ہیں۔ گاڑیوں کے مالکان سیکٹر I-8 کی مین ڈبل روڈ بھی استعمال کر سکتے ہیں۔
آئی ٹی پی نے شہریوں سے درخواست کی ہے کہ اپنی گاڑیاں صرف مخصوص پارکنگ کے مقامات پر ہی کھڑی کریں اور تقریب کے دوران ٹریفک کو منظم کرنے کے لیے تعینات ٹریفک پولیس اہلکاروں کے ساتھ تعاون کریں۔شہریوں کو یہ بھی مشورہ دیا گیا کہ وہ ٹریفک پلان کے مطابق اپنے سفر کا منصوبہ بنائیں اور تجویز کردہ متبادل راستے استعمال کریں۔انہوں نے کہا شہری ٹریفک سے متعلق مزید تازہ ترین معلومات کے لیے آئی ٹی پی ریڈیو ایف ایم 92.4 (ITP Radio FM 92.4) سن سکتے ہیں یا آئی ٹی پی کے سوشل میڈیا پیجز کو بھی فالو کر سکتے ہیں۔
بشکریہ: اے پی پی (ایسوسی ایٹڈ پریس آف پاکستان)
