پنجاب کلین ائیر پروگرام کے تحت دھان کے کاشتکاروں کیلئے رینٹل سبسڈی کیلئے آن لائن رجسٹریشن جاری

فیصل آباد۔ 02 اکتوبر (اے پی پی):ڈائریکٹر نظامت زرعی اطلاعات فیصل آباد ڈاکٹر آصف علی نے ’’اے پی پی‘‘ کو بتایا کہ وزیر اعلیٰ پنجاب کی ہدایت پر فیصل آباد سمیت ٹوبہ ٹیک سنگھ، جھنگ،چنیوٹ،گجرات، منڈی بہاؤالدین،حافظ آباد،وزیرآباد،گوجرانوالہ،سیالکوٹ،ناروال،شیخوپورہ،ننکانہ صاحب،لاہور،قصور،اوکاڑہ،ساہیوال، پاکپتن،ملتان،لودھراں،خانیوال، وہاڑی اور بہاولنگر کے دھان کے کاشتکارسپرسیڈرزکے استعمال پر 5ہزار روپے فی ایکڑ(زیادہ سے زیادہ25ہزار روپے تک) کی سبسڈی حاصل کر سکتے ہیں۔

اس ضمن میں خواہشمند کاشتکار آن لائن رجسٹریشن کیلئے ویب سائٹ www.agripunjab.gov.pkیاhttp://kissanmadadgar.agrimec.gop.pk/homeکا وزٹ کریں۔انہوں نے مزید کہا ہے کہ سپر سیڈرز کے استعمال سے دھان کی باقیات زمین میں شامل ہو جاتی ہیں۔گندم کی لائنوں میں کاشت ہوتی ہے اور بیج کے قریب کھاد ڈالنا اور سہاگہ لگانا ممکن ہوتا ہے جس سے پیداواری لاگت میں کمی واقع ہوتی ہے۔

بشکریہ: اے پی پی (ایسوسی ایٹڈ پریس آف پاکستان)