کراچی۔ 04 اکتوبر (اے پی پی):گورنر سندھ سید محمد نہال ہاشمی نے صومالیہ میں قزاقوں کے ہاتھوں جاں بحق ہونے والے پاکستانی شہری محمود احمد انصاری کے گھر پہنچ کرشہید کے بیٹے اور دیگر اہلِ خانہ سے ملاقات کی۔اتوار کو گورنر ہائوس سے جاری اعلامیہ کے مطابق گورنر سندھ نے محمود احمد انصاری کے اہلِ خانہ سے دلی تعزیت اور گہرے دکھ و افسوس کا اظہار کیا اور مرحوم کی مغفرت، درجات کی بلندی اور اہلِ خانہ کیلئے صبرکی دعا کی۔
اس موقع پر گورنر سندھ نے کہا کہ محمود احمد انصاری کی شہادت پر پوری قوم سوگوار ہے، ہم غم کی اس گھڑی میں شہید کے اہلِ خانہ کے ساتھ کھڑے ہیں۔انہوں نے کہا کہ حکومت متاثرہ خاندان کو تنہا نہیں چھوڑے گی اور خاندان کی ہر ممکن معاونت کی جائے گی۔
بشکریہ: اے پی پی (ایسوسی ایٹڈ پریس آف پاکستان)
