لاہور۔4اکتوبر (اے پی پی):چیئر مین پاکستان علماء کونسل و کوآردینیٹر قومی پیغام امن کمیٹی حافظ محمد طاہر محمود اشرفی نے کہا ہے کہ پورا عالم اسلام سعودی عرب کے ساتھ ہے ۔ ان خیالات کا اظہار انہوں اتوار کے روز یہاں جا معہ منظور الاسلامیہ میں تعظیم حرمین شریفین سیمینار سے خطاب کر تے ہو ئے کیا۔ انہوں نے کہا کہ مسلم امہ کسی کو یہ حق نہیں د ے گی کہ وہ ارض حرمین شریفین پر حملے کرے اورہم ارض حرمین شریفین پر سب کچھ قربان کرنے کو تیار ہیں۔انہوں نے کہا کہ ہمیشہ سعودی عرب نے فلسطین کی مدد کی ہے۔
انہوں نے کہا کہ2015 میں مفتی اعظم سعودی عرب نے حوثیوں کے خلاف فتوی دیا اور آج یہاں علما و مشائخ کا اجتماع حوثی باغیوں کے مکہ معظمہ اور مدینہ منورہ پر حملوں کی بھر پورمذمت کرتاہے اور اعلان کرتا ہے کہ دہشتگردوں کے ساتھ کوئی رعایت نہیں ہونی چاہیے۔انہوں نے کہا کہ ہم نے ہمیشہ ایران پر امریکی حملوں کی مذمت کی ہے،ایران پر امریکی جارحیت قابل مذمت ہیں تو سعودی عرب کے خلاف حملے بھی قابل مذمت ہیں ۔طاہر محمود اشرفی نے کہا کہ سعودی عرب نے کبھی بھی یمن میں مداخلت نہیں کی ہے۔
ایک سوال کے جواب میں انہوں نے کہا کہ ہم نے سعودی عرب سے اپنی محبت کا اظہار کیا ہے، ہمیں سڑکوں پر آنے کی ضرورت نہیں،پورا عالم اسلام سعودی عرب کے ساتھ ہے۔ انہوں نے کہا کہ ہم حسینی ہیں ، حضرت امام حسین کے گھوڑے کے پائوں کی خاک ہماری آنکھوں کا سرمہ ہے۔ انہوں نے کہا کہ صحابہ پر تنقید کی اجازت نہیں دی جاسکتی ، ہم اصحاب پر تنقید کو برداشت نہیں کریں گے۔ اس موقع پر علامہ طاہر احسن، مولانا اسلم صدیقی ، قاری جلیل ابراہیم،قاری کفایت اللہ، قاری ابرا ہیم حنفی، قاری اسلام ا لدین،قاری عبد الحکیم اطہر، مفتی راشد رسول، بھی موجود تھے ۔
بشکریہ: اے پی پی (ایسوسی ایٹڈ پریس آف پاکستان)
