سری لنکن کرکٹ ٹیم کی سری نگر ہائی وے پر آمد و رفت کے سلسلے میں آئی ٹی پی کی جانب سے ٹریفک ایڈوائزری جاری

اسلام آباد۔4اکتوبر (اے پی پی):اسلام آباد ٹریفک پولیس (آئی ٹی پی) نے اتوار کو سری لنکن کرکٹ ٹیم کی آمد و رفت کے پیشِ نظر ٹریفک ایڈوائزری جاری کی ہے۔ سری نگر ہائی وے پر مختلف مقامات پر ٹریفک کے متبادل راستے (ڈائیورشنز) بنائے جائیں گے اور کچھ دیر کے لیے ٹریفک کی روانی سست ہو سکتی ہے۔آئی ٹی پی کے حکام نے’’ اے پی پی‘‘ کو بتایا کہ گاڑیوں کے ڈرائیوروں کو مشورہ دیا گیا ہے کہ وہ ٹیم کی آمد و رفت کے دوران کسی بھی قسم کی زحمت سے بچنے کے لیے متبادل راستے اختیار کریں۔

انہوں نے کہا کہ گاڑیوں کے ڈرائیور آئی جے پی روڈ، ایران ایونیو، مارگلہ روڈ اور سری نگر ہائی وے سے ملحقہ سروس روڈز استعمال کر سکتے ہیں۔سیکٹر G-6 اور G-7 کے رہائشی سہروردی روڈ اور فیصل ایونیو استعمال کر سکتے ہیں۔سیکٹر G-8 اور G-9 کے رہائشی G-8 اور G-9 کی سروس روڈز اور نائنتھ ایونیو استعمال کر سکتے ہیں۔سیکٹر G-10 اور G-11 کے رہائشی G-10 اور G-11 کی سروس روڈز استعمال کر سکتے ہیں۔سیکٹر G-13 کے رہائشی اسلام آباد چوک انڈر پاس اور G-13 سروس روڈ استعمال کر سکتے ہیں۔آئی ٹی پی نے کہاکہ کرکٹ ٹیم کی آمد و رفت کے دوران ڈرائیوروں کی رہنمائی اور ٹریفک کی روانی کو برقرار رکھنے کے لیے ان کے اہلکار مختلف مقامات پر تعینات رہیں گے۔

کسی بھی قسم کی مشکل کا سامنا کرنے یا ٹریفک سے متعلق رہنمائی حاصل کرنے کے لیے شہری آئی ٹی پی کی ہیلپ لائن 1915 پر رابطہ کر سکتے ہیں۔ٹریفک سے متعلق مزید تازہ ترین معلومات کے لیے ڈرائیوروں کو مشورہ دیا گیا ہے کہ وہ آئی ٹی پی ایف ایم (ITP FM) اور اسلام آباد پولیس کے سوشل میڈیا پیجز کو فالو کریں۔

بشکریہ: اے پی پی (ایسوسی ایٹڈ پریس آف پاکستان)