لندن۔4اکتوبر (اے پی پی):مودی سرکار نے اقلیتوں کیخلاف گھیرا تنگ کر دیا، بھارت میں عیسائی بھی مذہبی پابندیوں کی زد میں ہیں۔ مودی حکومت میں مسلسل اقلیتوں کے حقوق کی پامالی کے باعث مذہبی آزادی کو شدید بحران کا سامنا ہے۔برطانوی نشریاتی ادارہ کے مطابق بھارت میں اقلیت مخالف قانون کے ذریعے عیسائیوں کی عبادت کو بھی نگرانی میں جکڑ دیا گیا ہے،بھارت میں عیسائی نام اور شناختی کارڈ نمبر درج کر کے تصدیق کے بعد عبادت پر مجبور ہو چکے ہیں۔
برطانوی نشریاتی ادارہ نے اپنی رپورٹ میں مزید کہا ہے کہ بھارت میں اقلیتیں، بالخصوص مسیحی برادری اپنے مقدس مقام پر بھی خود کوغیرمحفوظ محسوس کر رہی ہے۔امریکی کمیشن برائے بین الاقوامی مذہبی آزادی کے مطابق اقلیتوں کے خلاف مسلسل کارروائیوں کے باعث بھارت کو ’’خاص تشویش کا ملک‘‘ قرار دینے کی سفارش کی گئی ہے۔
بشکریہ: اے پی پی (ایسوسی ایٹڈ پریس آف پاکستان)
