اسلام آباد۔4اکتوبر (اے پی پی):پاک بھارت سرحد پر بلااشتعال بھارتی فائرنگ سے شہید ہونے والے دونوں پاکستانی شہریوں کی نمازِ جنازہ ادا کر دی گئی جس میں لوگوں کی بڑی تعداد نے شرکت کی۔ شہید عظمت رسول اور محسن جٹ کو آبائی گاؤں جٹاں والی حویلی، لدھڑ میں سپرد خاک کر دیا گیا۔
بلااشتعال بھارتی فائرنگ سے شہید دو نہتے شہریوں کے اہلخانہ کے بلند حوصلے مودی کو منہ توڑ جواب ہے۔ شہید شہریوں کے اہلخانہ نے کہا کہ اگربزدل بھارتی فورسزمیں اتنی ہمت ہے تو پاکستانی قوم سے آنکھوں میں آنکھیں ڈال کر مقابلہ کریں ۔سرحدی علاقوں کے شہریوں نے بھی بھارتی فورسز کے گھناؤنے اقدام کو شرمناک عمل قرار دیا ہے۔
بشکریہ: اے پی پی (ایسوسی ایٹڈ پریس آف پاکستان)
