پشاور۔ 03 اکتوبر (اے پی پی):ڈائریکٹر سول ڈیفنس طارق حسین کی نگرانی اور سول ڈیفنس آفیسر کاشف نواز کی زیرِ نگرانی سول ڈیفنس کرک کے انسٹرکٹر سٹاف کی جانب سے خوشحال خان خٹک یونیورسٹی کے سٹاف کو فائر فائٹنگ کی عملی تربیت فراہم کی گئی۔
تربیتی مظاہرے کے دوران آگ بجھانے کے مختلف طریقۂ کار، فائر ایکسٹنگوشر کے درست استعمال، حفاظتی اقدامات اور ہنگامی صورتحال میں فوری و محفوظ کارروائی کے حوالے سے عملی آگاہی فراہم کی گئی۔ اس تربیت کا مقصد اداروں کے سٹاف کو ہنگامی صورتحال سے مؤثر انداز میں نمٹنے اور انسانی جان و مال کے تحفظ کے لیے بروقت اقدامات کے قابل بنانا ہے۔
بشکریہ: اے پی پی (ایسوسی ایٹڈ پریس آف پاکستان)
