اسلام آباد۔3اکتوبر (اے پی پی):صدر آزادجموں و کشمیر ڈاکٹر محمد نجیب خان کا پلندری کے پہلے دورے پر کہوٹہ میں شاندار استقبال کیاگیا۔یہاں جاری بیان کے مطابق کہوٹہ میں عوام کی بڑی تعداد نے صدر آزادجموں و کشمیر ڈاکٹر محمد نجیب خان کا پرتپاک خیرمقدم کیا۔شہریوں نے صدر ریاست کی گاڑی پر پھولوں کی پتیاں نچھاور کیں۔صدر آزادجموں و کشمیر ڈاکٹر محمد نجیب خان کی گاڑی کو پھولوں سے لاد دیا گیا۔اس موقع پر خطاب کرتے ہوئے صدر ریاست نے کہا کہ عوام کی محبت اور خلوص میرے لیے باعث عزت اور حوصلہ افزائی ہے۔
صدر آزاد کشمیر نے کہا کہ عوامی رابطہ ترجیحات میں شامل، مسائل کے حل کے لیے عملی اقدامات کیے جائیں گے، آزاد کشمیر کے عوام کے ساتھ رشتہ اعتماد، محبت اور خدمت کے جذبے پر قائم ہے۔رکن قانون ساز اسمبلی محترمہ سحرش قمر بھی صدر آزاد کشمیر کے استقبال کے موقع پر موجود تھیں۔
بشکریہ: اے پی پی (ایسوسی ایٹڈ پریس آف پاکستان)
