کراچی۔ 02 اکتوبر (اے پی پی):تھانہ نیو کراچی انڈسٹریل ایریا پولیس اوراسٹریٹ کریمنلز کے درمیان فائرنگ کے تبادلے میں 2مبینہ ملزمان کو زخمی حالت میں گرفتار کرکے ان کے قبضے سے 2عدد 30بور پستول،نقدی اور موبائل فونز برآمد کرلیے۔جمعہ کو ترجمان ایس ایس پی ڈسٹرکٹ سینٹرل کے مطابق گرفتار ملزمان میں اسد ولد فیصل اورکاشف ولد سید انورشامل ہیں۔
پولیس نے منگل بازار گرائونڈ سیکٹرجی 11-نیو کراچی کے قریب مشتبہ موٹر سائیکل سوار ملزمان کو رکنے کا اشارہ کیا،جس پرملزمان نے فائرنگ شروع کردی،پولیس کی جوابی فائرنگ کے نتیجے میں دونوںملزمان زخمی ہوگئے جن کوطبی امدادکیلئے ہسپتال منتقل کردیا گیا ہے۔پولیس نے ملزمان سے مزید قانونی کارروائی کا آغاز کردیاہے۔
بشکریہ: اے پی پی (ایسوسی ایٹڈ پریس آف پاکستان)
